Cəlilabad Olimpiya İdman Kompleksində ulu öndər Heydər Əliyevin 100 illiyinə həsr olunmuş kadetlər, yeniyetmələr, gənclər və kişilər arasında 4-cü Azərbaycan kuboku baş tutub. Bu haqda məlumatı Cenublu.az bu gün, 26 avqust tarixində verir.
Yarışda Cəlilabad rayon İcra Hakimiyyətinin nümayəndələri, hüquq-mühafizə orqanlarının rəhbərləri, Kung-Fu Federasiyasının prezidenti, millət vəkili Elman Nəsirov, Lənkəran-Astara Regional Gənclər və İdman İdarəsinin Cəlilabad rayonu üzrə gənclər və idman sektorunun əməkdaşları, Kung-Fu idman növü üzrə respublikanın tanınmış Avropa və dünya çempionları, eləcə də Respublikanın 15 şəhər və rayon komandalarının tərkibində 200-dən artıq idmançı iştirak edib.
Sonda qaliblərə diplom, medal və kubok təqdim olunub.
Qeyd edək ki, yarışlar Lənkəran - Astara Regional Gənclər və İdman İdarəsinin, Azərbaycan “Kung-Fu” Federasiyasının və “Kung-Fu” Cənub İdman Klubunun birgə təşkilatçılığı ilə baş tutub.
