Cəlilabadda sərbəst güləş idman növü üzrə regionun açıq birinciliyi keçirilib. Bu haqda məlumatı Cenublu.az bu gün, 23 yanvar tarixində verir.
Cəlilabad Olimpiya İdman Kompleksində keçirilən tədbir Azərbaycan Respublikasının Əməkdar məşqçisi, ”Fəxri Bədən Tərbiyəsi və İdman İşçisi”, Respublika dərəcəli hakim İlham Məmmədovun anadan olmasının 60 illik yubileyinə həsr olunub.
Tədbirdə Cəlilabad Rayon İcra Hakimiyyətinin əməkdaşı, Yeni Azərbaycan Partiyası Cəlilabad rayon təşkilatının aparat rəhbəri, Azərbaycan Güləş Federasiyası hakimlər kollegiyasının sədri, Cəlilabad rayon gənclər və idman sektorunun əməkdaşları, Cəlilabad rayon Uşaq Gənclər İdman Məktəbinin kollektivi, Cəlilabad rayon Uşaq-Gənclər İdman-Şahmat Məktəbinin direkoru və digər qonaqlar iştirak edib.
Yarışda Respublikamızın şəhər və rayonlarını təmsil edən 12 komandanın tərkibində 160 nəfər idmançı mübarizə aparıb. Ümumi komanda hesabında Cəlilabad I, Lənkəran II, Astara isə III yerə layiq görülüb.
Yarışda hər çəki dərəcəsi üzrə I, II və III yerləri tutan idmançılar Lənkəran-Astara Regional Gənclər və İdman İdarəsi tərəfindən diplom, medal və kubokla təltif olunub.
Qeyd edək ki, tədbir Lənkəran-Astara Regional Gənclər və İdman İdarəsinin Cəlilabad rayonu üzrə gənclər və idman sektorunun təşkilatçılığı ilə baş tutub.
