Cəlilabadda idmanın inkişafı istiqamətində mühüm addımlar atılır. Bu haqda bu gün, 12 aprel tarixində Cenublu.az xəbər verir.
Ulu öndər Heydər Əliyevin 100 illik yubileyi münasibətilə futbol idman növü üzrə rayon çempionatı keçiriləcək. Turnir Cəlilabad Rayon İcra Hakimiyyətinin, Rayon Gənclər və İdman İdarəsinin və "Məhsul" KKİC Cəlilabad Rayon Şurasının birgə təşkilatçılığı ilə baş tutacaq. Çempionatın keçirilməsində məqsəd gənclər arasında müasir müstəqil Azərbaycanın qurucusu, ümummilli lider Heydər Əliyevin müdrik siyasi irsinin təbliğ olunması, həmçinin rayon gənclərinin “Sağlam bədəndə sağlam ruh olar” prinsipi əsasında öz asudə vaxtlarını səmərəli keçirməsinin təşkil edilməsidir.
Sifariş vərəqələri 19 aprel 2023-cü il tarixinə kimi "Məhsul" KKİC-nin Cəlilabad Rayon Şurasının sədri Aləddin Əliyevə (Mərkəzi stadion) təqdim edilməlidir. Əlaqə nömrəsi: 055 7401769.
