Cəlilabad şəhərində Vətən müharibəsi şəhidi Əmrah Hüseynlinin xatirəsinə həsr olunmuş ağır atletika üzrə yeniyetmələr arasında UGİM-in açıq birinciliyi keçirilib. Bu haqda məlumatı Cenublu.az bu gün, 28 iyun tarixində Lənkəran-Astara Təhsil İdarəsinə istinadən verir.
Yarışda Cəlilabad, Masallı və Lənkərandan olan 40-a yaxın gənc idmançı iştirak edib.
Yekun nəticəyə görə, Lənkəran şəhər 10 nömrəli tam orta məktəbinin V sinif şagirdləri Ağayev Mənsur I yerə, Əsədov Yusif II yerə, Əsədov Sadiq III yerə, VI sinif şagirdləri Abdullayev Murad II yerə, Abbasov Sübhan III yerə və VII sinif şagirdi Nuriyev Rihad II yerə layiq görülüblər.
