Lənkəran Olimpiya İdman Kompleksində keçirilən həndbol üzrə Azərbaycan birinciliyinin zona yarışının qalibi müəyyən olub. Bu haqda məlumatı Cenublu.az bu gün, 27 mart tarixində verir.
Yarışa Lənkəran, Cəlilabad, Biləsuvar və Yardımlı rayonlarının 2008-ci il və ondan sonra doğulan oğlanlardan ibarət komandaları qatılıb.
Gərgin və maraqlı mübarizənin sonunda Cəlilabad həndbolçuları yarışın qalibi adına layiq görülüblər. Biləsuvar komandası ikinci, Lənkəran kollektivi üçüncü yeri tutub.
Beləliklə, Cəlilabad komandası iyun ayında Bakıda keçiriləcək Azərbaycan birinciliyinin final mərhələsinə vəsiqə qazanıb.
Qeyd edək ki, yarışma Gənclər və İdman Nazirliyi və Azərbaycan Həndbol Federasiyasının təşkilatçılığı ilə baş tutub.
