“Cəlilabad” basketbol komandasının 2023/2024 mövsümündə ev oyunlarını keçirəcəyi məkan müəyyənləşib. Bu haqda məlumatı Cenublu.az bu gün, 2 oktyabr tarixində verir.
Belə ki, klub Azərbaycan Basketbol Liqasında (ABL) rəqiblərini Cəlilabad Olimpiya İdman Kompleksində qəbul edəcək.
Ötən mövsüm “Zirvə” adı altında çıxış etmiş komanda çempionatda cənub bölgəsini təmsil edəcək.
Qeyd edək ki, yeni mövsüm ərəfəsində kompleksdə əsaslı təmir işləri görülüb və yekun tamamlanma işləri bitdikdən sonra arena “Cəlilabad” klubunun istifadəsinə veriləcək.
