Bakı şəhərində baş tutan turnirdə uğur qazanan masallılı idmançılar Gənclər və İdman İdarəsinin rəisi ilə görüşüblər. Bu haqda bu gün, 17 noyabr tarixində Cenublu.az Masallı rayon Gənclər və İdman İdarəsinə istinadən xəbər verir.
Zəfər gününə həsr olunmuş Kyokshinkai karate idman növü üzrə rayon birinciliyində 8 nəfər I yerə, 4 nəfər II yerə, 4 nəfər III yerə layiq görülüb. Bu səbəbdən idarə rəisi Sabiq Cahangirov çıxış edərək idmançıları təbrik edib.
Qeyd edək ki, Bakıda keçirilən turnirdə 300-ə yaxın idmançı iştirak edib. İdmançıların məşqçi-müəllimi Sabir Lətifovdur.
