“Azəryol” komandasının sabiq baş məşqçisi Vidadi Əliyev Azərbaycan Həndbol Federasiyasının (AHF) cənub bölgəsi üzrə koordinatoru təyin edilib.
Bu barədə AZƏRTAC-a AHF-dən məlumat verilib.
Onun rəhbərliyi ilə Astara, Cəlilabad, Lənkəran, Lerik, Masallı və Yardımlı rayonlarında 2012–2013-cü il təvəllüdlü oğlanlardan ibarət yeni komandaların formalaşdırılması istiqamətində işlər aparılacaq.
Qeyd edək ki, Vidadi Əliyev daha əvvəl kişilərdən ibarət “İdman Akademiyası” ilə yanaşı, milli komandanın baş məşqçisi vəzifəsində çalışıb.
