Lənkəran-Astara Regional Gənclər və İdman İdarəsi avqust ayının ilk həftəsinə olan idman afışasını təqdim edib. Bu haqda məlumatı Cenublu.az bu gün, 31 iyul tarixində verir.
Tədbirlərin siyahısını təqdim edirik:
- 1-5 avqust saat 18:00 Cəlilabad rayonu, “Əhmədoğlu” FK Meydançasında Vətən müharibəsi şəhidlərinin xatirəsinə həsr olunmuş “Qarabağ Azərbaycandır” devizi altında minifutbol turniri;
- 5 avqust saat 18:00-da Cəlilabad rayonu, Heydər Əliyev seyrangahında “İdman hamı üçün” layihəsi çərçivəsində “Sərbəst güləş hamı üçün” açıq idman tədbiri;
- 1-3 avqust saat 10:00-da Lənkəran Olimpiya İdman Kompleksində "Heydər Əliyev İli"nə həsr olunmuş cüdo üzrə rayon turniri;
- 5 avqust saat 18:00-da Masallı Regional Boks Mərkəzinin qarşısında "İdman hamı üçün" layihəsi çərçivəsində “Boks hamı üçün” açıq idman tədbiri;
- 5 avqust saat 10:00-da Astara Olimpiya İdman Kompleksi "İdman hamı üçün" layihəsi çərçivəsində “Üzgüçülük hamı üçün” idman tədbiri;
- 5 avqust saat 18:00-da Lənkəran Şəhər Heydər Əliyev adına xatirə parkında "İdman hamı üçün" kütləvi idman tədbirləri baş tutacaq.
