Bakı şəhərində şəhidlərimizin əziz xatirəsinə həsr olunmuş qol güləşi üzrə Azərbaycan Kuboku keçirilib. Yarışda U-18 və böyüklər kateqoriyasında iştirak edən astaralı idmançılar uğurlu nəticə əldə ediblər.
Cenublu.az xəbər verib ki, U-18 yaş qrupunda 57 kq çəki dərəcəsində çıxış edən Kərimli Yusif (sağ qol üzrə) və böyüklər arasında 63 kq çəki dərəcəsində yarışan Kərimov Bəhruz (sağ qol üzrə) gümüş medal qazanıblar.
İdmançılarımızın bu uğurunda onların şəxsi məşqçisi, Astara rayon Uşaq-Gənclər İdman-Şahmat Məktəbinin məşqçi-müəllimi Rəşad Əkbərovun da böyük rolu olub.
