Astaralı idmançı Axundov Məhəmmədəli yeniyetmələr arasında Vinq-Çun-kontakt üzrə Dünya çempionu olub. Bu haqda məlumatı Cenublu.az bu gün, 25 avqust tarixində verir.
14-18 avqust 2023-cü il tarixlərində Honq Konqda 30 ölkənin 2000-dən çox idmançısının iştirakı ilə keçirilən Çin döyüş növləri üzrə 15-ci beynəlxalq festival və Vinq Çun üzrə 11-ci dünya çempionatında ölkəmizi təmsil edən Azərbaycan Vinq Çun Federasiyasının 12 idmançısı 6 qızıl və 4 gümüş medal qazanıb.
Milli komandanın idmançısı Axundov Məhəmmədəli Ceyhun oğlu 56 kq çəkidə 2008-ci il yeniyetmələr arasında Vinq-Çun-kontakt üzrə Dünya çempionu olub və qızıl medalla Vətənə qayıdıb.
Qeyd edək ki, idmançımızın şəxsi məşqçisi Astara Olimpiya İdman Kompleksinin sərbəst güləş üzrə məşqçisi Axundov Nizami Səmədulla oğludur.
