Astaralı güləşçilər Türkiyədə keçirilən beynəlxalq turnirdə uğurlu çıxış edərək iki bürünc medal qazanıblar.
Cenublu.az xəbər verir ki, Türkiyənin Kocaeli şəhərində Hasan Gemici və Qazanfar Bilgenin xatirəsinə həsr olunmuş beynəlxalq turnirdə sərbəst güləş üzrə Azərbaycan Milli komandasının tərkibində çıxış edən Ramik Heybətov (70 kq) və Musa Ağayev (65 kq) fəxri kürsünün üçüncü pilləsinə yüksələrək bürünc medala sahib olublar.
İdmançıların şəxsi məşqçiləri Astara Uşaq-Gənclər İdman-Şahmat Məktəbinin müəllimi, "Azərbaycan Respublikasının Əməkdar məşqçisi" fəxri adına layiq görülmüş Məhərrəm Ağayev və Astara Olimpiya İdman Kompleksinin məşqçisi Nizami Axundovdur.
