Biləsuvar Olimpiya İdman Kompleksində sərbəst güləş idman növü üzrə U-15 idmançılar arasında keçirilən birincilikdə Astaradan olan idmançı və onun məşqçisi uğur qazanıblar. Bu haqda məlumatı Cenublu.az bu gün, 18 oktyabr tarixində verir.
Vətən müharibəsi şəhidi İqbal Astanlının xatirəsinə həsr olunan turnirdə güləşçi İmamrza Həmidzadə (41 kq) II yeri qazanaraq diploma, onun məşqçisi Elxan Həmidzadə isə “Ən yaxşı hakim” adını qazanaraq sertifikata layiq görülüblər.
Qeyd edək ki, açıq birincilikdə Astara, Lənkəran, Masallı, Cəlilabad, Salyan, Şağan, “Arena”, “Zenit Bakı”, Sumqayıt, Abşeron və Biləsuvar komandalarının ümumilikdə 100 nəfərdən çox idmançısı mübarizə aparıb.
