Bakı şəhərində boks mərkəzində keçirilən ümummilli lider Heydər Əliyevin 100 illiyinə həsr olunan beynəlxalq turnirdə Astara Boks Mərkəzinin boksçuları qızıl medal qazanıblar. Bu haqda məlumatı Cenublu.az bu gün, 4 aprel tarixində verir.
Belə ki, 11 ölkənin 100-dən artıq idmançısının iştirakı ilə keçən yarışda Astara Boks Mərkəzinin məşqçisi Ayaz Baxşiyevin yetirmələri Bilal Nəzərov (46 kq) və Əli Məmmədov (44 kq) fəxri kürsünün ən yüksək pilləsinə qalxıblar.
Qeyd edək ki, Azərbaycan yığması 3 qızıl, 1 gümüş və 13 bürünc medalla turnirin III yerinə sahib olub. I yerə 34 xalla (4 qızıl, 3 gümüş, 3 bürünc) Rusiya layiq görülüb və Heydər Əliyev kubokuna sahib olub. II yeri isə 33 xalla Qazaxıstan komandası qazanıb.
