Gürcüstan Respublikasının Kutaisi şəhərində keçirilən yeniyetmə boksçular arasında Beynəlxalq turnirdə astaralı boksçu qalib olub. Bu haqda məlumatı Cenublu.az bu gün, 19 iyun tarixində Astara rayon Gənclər və İdman İdarəsinə istinadən verir.
Belə ki, Astara Boks Mərkəzinin baş məşqçisi Ayaz Baxşiyevin yetirməsi olan Bilalhəbəşi Nəzərov (46 kq) baş məşqçi Vaqif Kazımov və məşqçi Teymur Məmmədovun rəhbərliyi ilə Azərbaycan Milli komandasının heyətində bütün döyüşlərdə rəqiblərinə tam üstünlüklə qalib gələrək turnirin qızıl medalını qazanıb.
Qeyd edək ki, turnirdə 5 ölkənin idmançıları qüvvələrini sınayıblar. Azərbaycan, Gürcüstan, Özbəkistan, İsrail və Latviya millilərinin də qatıldığı yarışı Azərbaycan yığması 3 qızıl, 2 gümüş və 8 bürünc medalla bitirib.
