Astara Dənizkənarı Park Bulvar Kompleksində şəhid Arif Qeybiyevin xatirəsinə həsr olunmuş şose qaçışı üzrə III Memorial ölkə yarışı keçirilib. Bu haqda məlumatı Cenublu.az bu gün, 9 oktyabr tarixində verir.
İlk öncə Astara rayonunun Ərçivan qəsəbəsində yerləşən “Məhəmməd Hənifə” məzarlığında şəhid Arif Qeybiyevin məzarı ziyarət olunub.
Yarışda 12 şəhər və rayonları təmsil edən Bakı Təhsil-1, Bakı Təhsil-5, Gəncə, Lənkəran, Astara, Masallı, Cəlilabad, Lerik, Yardımlı , Bərdə, Xızı, Beyləqan komandalarının tərkibində 180 nəfər idmançı mübarizə aparıb.
2008-2009-cu il təvəllüdlülər arasında qızlar 300 metr, oğlanlar 500 metr, 2006-2007-ci il təvəllüdlü qızlar 500 metr, oğlanlar isə 1000 metr məsafədə mübarizə aparıblar.
2008-2009-cu il təvəllüdlülərin yarışında 300 metr məsafəyə qızlar arasında qaçışda I yeri Kərimova Safiyə (Təhsil-1) 49.55 san, II yeri Nağıyeva Gülçin (Bakı Təhsil-5) 50.63 san, III yeri Ağabəyova Səlimə (BakıTəhsil-5) 51.02 san, 500 metr məsafəyə oğlanlar arasında qaçışda I yeri İbrahimov Riad (Gəncə) 1 dəq 17.30 san, II yeri Məmmədov Azər (Lənkəran) 1 dəq 17.72 san, III yeri Abdullayev Cavid (Bakı Təhsil-5) 1 dəq 19.12 san nəticələrlə qazanıblar.
2006-2007-cı il təvəllüdlülərin yarışında 500 metr məsafəyə qızlar arasında qaçışda I yeri Quliyeva İlahə (Bakı Təhsil-5) 1 dəq 28.21 san, II yeri Mustafayeva Bahar (Bərdə) 1 dəq 29.10 san, III yeri İsfəndiyarova Ləman (BakıTəhsil-5) 1 dəq 37.54 san, 1000 metr məsafəyə oğlanlar arasında qaçışda İbrahimov Ümid (Gəncə) 3 dəq 00.91 san, Məmmədov Rüfət (Astara) 3 dəq 04.91 san, Cəfərov Nabil (Astara) 3 dəq 05.34 san nəticələrlə qazanıblar.
Yekunda fəxri yerləri qazanan idmançılar Azərbaycan Respublikası Gənclər və İdman Nazirliyinin, Azərbaycan Atletika Federasiyasının diplom, medal və hədiyyələri ilə təltif olunublar.
