Astara rayonunda Zəfər Gününə həsr olunmuş 12-14 yaşlı idmançılar arasında sərbəst güləş üzrə turnir baş tutub. Bu haqda məlumatı Cenublu.az bu gün, 6 noyabr tarixində verir.
Tədbir Olimpiya İdman Kompleksində təşkil olunub. Belə ki, yarışlar əsasnaməyə uyğun olaraq, oğlanlar arasında 23, 26, 29, 32, 35, 38, 41, 44, 48, 52, 57, 62, 68,75, qızlar arasında 26, 29, 32, 36, 41, 44 çəki dərəcələri üzrə keçirilib.
Burada 13 komanda - Astara, Lənkəran, Masallı, Şirvan, Salyan, Biləsuvar , Cəlilabad, Ağcabədi, Laçın, Xocavənd, Qax, ”Arena” (Bakı), ROİL (Bakı) idman klubları iştirak edib, idman cəmiyyətlərini təmsil edən 223 nəfər idmançı güclərini sınayıb.
Turnirdə Lənkəran - Astara Regional Gənclər və İdman İdarəsinin rəisi Teymur Babazadə, idarənin əməkdaşları, Olimpiya İdman Kompleksinin direktoru, “Arena” İdman klubunun direktoru, yarışın baş hakimi, Azərbaycan Güləş Federasiyasının Cənub Regionu üzrə nümayəndəliyinin rəhbəri, yarışın hakimləri respublika dərəcəli hakimlər və digər nümayəndələr, məşqçilər iştirak ediblər.
Yəkunda I, II və III yerlərə layiq görülən qaliblərə diplomlar və medallar təqdim olunub.
Qeyd edək ki, yarış Lənkəran-Astara Regional Gənclər və İdman İdarəsinin Azərbaycan Güləş Federasiyası, Astara Olimpiya İdman Kompleksi ilə birgə təsdiq etdikləri əsasnaməyə uyğun olaraq keçirilib.
