Astarada “İdman hamı üçün" layihəsi çərçivəsində “Sərbəst güləş hamı üçün” adlı idman tədbiri keçirilib. Bu haqda məlumatı Cenublu.az bu gün, 25 sentyabr tarixində verir.
Tədbirdə Astara Olimpiya İdman Kompleksinin sərbəst güləş qrupu üzrə idmançıları iştirak ediblər. Məşqlərə Astara Olimpiya İdman Kompleksinin məşqçi-müəllimi Loğman Ağayev rəhbərlik edib.
Qeyd edək ki, tədbir Lənkəran-Astara Regional Gənclər və İdman İdarəsinin Astara rayonu üzrə gənclər və idman sektoru və Astara Olimpiya İdman Kompleksinin birgə təşkilatçılığı ilə baş tutub.
