Astara Olimpiya İdman Kompleksində sərbəst güləş idman növü üzrə 2007-2009 və 2010-2013-cü il təvəllüdlü yeniyetmələr arasında Astara rayon turniri keçirilib. Bu haqda məlumatı Cenublu.az bu gün, 16 avqust tarixində Astara rayon Gənclər və İdman İdarəsinə istinadən verir.
Yarışda Astara Olimpiya İdman Kompleksinin 3 və Astara Uşaq Gənclər İdman-Şahmat Məktəbinin 3 komandası ümumən 162 nəfər idmançı ilə iştirak edib. İdmançıları məşqçi müəllim Qəhəman Əhmədov, Nizami Axundov, Bəhruz Nəbiyev, Məhərrəm Ağayev, Elxan Həmidov və Elçin Həmidov hazırlayıblar.
Turnirdə müxtəlif çəki dərəcələrində I, II və III yerləri qazanan idmançılar Astara RGİİ-nin və Astara Olimpiya İdman Kompleksinin təsis etdiyi diplomları ilə təltif olunublar.
