“Bədən Tərbiyəsi və İdman Günü” münasibətilə Astarada əyləncəli idman tədbiri keçiriləcək. Bu haqda bu gün, 3 mart tarixində Cenublu.az Astara Rayon Gənclər və İdman İdarəsinə istinadən xəbər verir.
"Sağlam həyatı və İdmanı sevirik" adlı açıq əyləncəli tədbir 5 mart saat 11:00-13:00 aralığında Astara Rayon İcra Hakimiyyətinin, Astara rayon Gənclər və İdman İdarəsinin və Astara Pedaqoji Kollecinin təşkilatçılığı ilə Astara Gənclər Evinin qarşısında açıq əyləncəli idman tədbiri təşkil olunacaq. Tədbirdə bir-birindən maraqlı müxtəlif idman növləri üzrə (şahmat, dama, atletika, gimnastika, ağır atletika, basketbol, tennis və başqa idman növləri) yarışlar, əyləncəli idman oyunları nümayiş etdiriləcək.
Tədbirlərin keçirilməsində məqsəd 5 mart - Bədən Tərbiyəsi və İdman Gününü qeyd etmək, yeniyetmə və gənclər arasında idmana maraq oyatmaq, onların fiziki aktivliyini artırmaq və sağlam həyat tərzini təbliğ etməkdir.
