Astarada “Street workout” (Açıq hava fitnesi) çoxnövçülük üzrə idman yarışları, karate və idman etüdləri təşkil olunub. Bu haqda məlumatı Cenublu.az Astara Rayon Gənclər və İdman idarəsinə istinadən bu gün, 18 iyul tarixində verir.
Hər həftəsonu keçirilən tədbir “İdman hamı üçün” layihəsinə dəstək və eləcə də rayonda yeniyetmə və gənclər arasında sağlam həyat tərzini kütləviləşdirmək məqsədilə təşkil olunub.
Yarışların və idman etüdlərinin təşkilində məşqçi-müəllimlərdən Azər Ağazadə, Əfsun Ağayev və “İntellektli və Sağlam Gənclər” İctimai Birliyinin sədri Cavid Cəfərli fəal iştirak ediblər.
Yekunda Astara RGİİ-nin rəisi vəzifəsini icra edən Rufan Şirinov tərəfindən fərqlənən yeniyemə və gənclərə Astara RGİİ sertifikatları təqdim olunub.
[caption id="attachment_20058" align="alignnone" width="336"]
Foto Astara Rayon Gənclər və İdman idarəsinin Facebook səhifəsi[/caption]
