Astarada “Məktəblilərin respublika çempionatı”nın cüdo üzrə 10-12 yaşlı yeniyetmələr arasında respublika zona mərhələsi keçirilib. Bu haqda məlumatı Cenublu.az bu gün, 1 may tarixində verir.
Turnir Olimpiya İdman Kompleksində baş tutub. Burada Lənkəran və Masallı rayonlarını təmsil edən 57 nəfər idmançı (51 oğlan və 6 qız) güclərini sınayıb.
Yarışa Lənkəran-Astara Regional Gənclər və İdman İdarəsinin Astara rayonu üzrə gənclər və idman sektorunun əməkdaşı, yarışların baş hakimi, Beynəlxalq dərəcəli hakim Valeh Məhərrəmov, yarışların baş katibi, Azərbaycan Cüdo Fedrasiyasının daxili yarışlar üzrə mütəxəsisi, respublika dərəcəli hakim Əli Kərimov, Azərbaycan Cüdo Fedrasiyasının mütəxəsisi İlkin Qədimli və digər nümayəndələr, məşqçilər cəlb olunublar.
Sonda müxtəlif çəki dərəcələrində I, II və III yerləri qazanan idmançılar medal və diplomlarla mükafatlandırılıblar. Onlar yarışların final mərhələsində iştirak ediblər.
