Astarada atletika üzrə məktəbli qızlar və oğlanlar arasında rayon turniri keçirilib. Bu haqda məlumatı Cenublu.az bu gün, 7 fevral tarixində verir.
Yarış Dənizkənarı Park Bulvar Kompleksində baş tutub. Tədbirin açılış mərasimində gənclər və idman sektorunun əməkdaşları, 3 saylı tam orta məktəbin fiziki tərbiyə müəllimi, yarışın baş hakimi, Atletika Federasiyasının Astara rayon nümayəndəsi, atletika üzrə veteranlar arasında 5 qat Azərbaycan çempionu Rəşad Əliyev çıxış ediblər.
Turnirdə 8 məktəb komandası – Astara şəhər 1, 2, 3, 4, 5 saylı, Artupa, Səncərədi, Kakalos kənd tam orta məktəblərinin komandalarını təmsil edən 46 nəfər idmançı (38 oğlan, 8 qız) yarışıb.
I, II və III yerləri tutan idmançılar diplom və medallarla təltif olunublar.
Tədbir Lənkəran-Astara Regional Gənclər və İdman İdarəsinin təşkilatçılığı ilə həyata keçirilib.
