5 mart - Bədən Tərbiyəsi və İdman Gününə həsr olunmuş atletika üzrə məktəblilər arasında Astara rayon turniri keçirilib. Bu haqda məlumatı Cenublu.az bu gün, 28 fevral tarixində Astara Rayon Gənclər və İdman İdarəsinə istinadən verir.
Yarışda 6 komanda - Astara şəhər 1, 2, 3, 4, 5 saylı, Suparıbağ kənd tam orta məktəblərinin komandalarını təmsil edən 34 nəfər idmançı mübarizə aparıb. Yarışda 500 metr məsafəyə qaçışda qızlar və 800 metr məsafəyə qaçışda oğlanlar yarışıblar.
500 metr məsafəyə qızlar arasında qaçışda I yeri Həkimova Ceyran Elşən qızı (Astara şəhər 3 saylı tam orta məktəb), II yeri Əliyeva Zibər Siyavuş qızı (Astara şəhər 3 saylı tam orta məktəb), III yeri Həkimova Ayşən Elşən qızı (Astara şəhər 3 saylı tam orta məktəb), 800 metr məsafəyə oğlanlar arasında qaçışda I yeri Məmmədov Rüfət Seymur oğlu (Astara şəhər 3 saylı tam orta məktəb ), II yeri Məmmədov Məhəmməd Tural oğlu (Suparıbağ kənd tam orta məktəb), III yeri Həsənli Elxan Ümüd oğlu (Astara şəhər 2 saylı tam orta məktəb) qazanıblar.
Yekunda qaliblərin mükafatlandırılması mərasimi keçirilib. Fəxri yerləri qazanan idmançılar diplom və medalla təltif olunublar.
