Region liqasında yaranmış fasilədən məhsuldar istifadə etmək istəyən “Astara” FK yoldaşlıq matçına çıxacaq. Bu haqda məlumat futbol klubunun rəsmi İnstagram hesabında paylaşılıb.
Cənub zonasının təmsilçisi 18 yanvar saat 14:00-da Tovuzun “Turan” futbol klubu ilə qarşılaşacaq. Oyun Bakı şəhəri Binə qəsəbə stadionunda baş tutacaq.
Qeyd edək ki, Region liqasında çıxış edən “Astara” FK qrup mərhələsində 2-ci yerdə qərarlaşıb.
