Astara şəhərində yerləşən Pəncəli Teymurov adına Astara Budo Döyüş Növləri Klubunda 2 fevral - Azərbaycan Gəncləri Gününün təsis edilməsinin 25 illiyi münasibətilə “Gənclər həftəsi” çərçivəsində yeniyetmə və gənc idmançılarla Astara RGİİ əməkdaşlarının görüşü keçirilib. Bu haqda məlumatı bu gün, 28 yanvar tarixində Astara rayon Gənclər və İdman İdarəsi verib.
Tədbir şəhidlərimizin xatirəsini bir dəqiqəlik sükutla yad etməklə başlayıb. Qonaqlar klubun fəaliyyəti və şəraiti ilə tanış olduqdan sonra Astara Budo Döyüş Növləri klubunun rəhbəri, VI Dan Qara kəmər ustası, Dünya, Avropa və beynəlxalq yarışların mükafatçısı Ramiq Rəhmanov, klubun məşqçisi, Budo döyüş növləri üzrə III Dan Qara Kəmər ustası, Dünya, Avropa və beynəlxalq yarışların mükafatçısı Zamin Baxşıyevin rəhbərliyi ilə təlim məşqlərə baxış keçirilib.
Sonra idmançılar gənclərə göstərdikləri nümunəyə və 2 fevral - Azərbaycan Gəncləri Günü münasibətilə, rayon Gənclər və İdman İdarəsinin fəxri fərmanları ilə təltif olunublar.
Yekunda tədbir iştirakçılarının birgə xatirə şəkilləri çəkilib.
[caption id="attachment_9964" align="alignnone" width="300"]
Astara rayon Gənclər və İdman İdarəsi[/caption]
