Azərbaycan Həvəskarlar Futbol Federasiyası 2022-2023-cü illər mövsümünün XXIV ölkə birinciliyi çərçivəsində Masallı rayonunu təmsil edən “Ərkivan” futbol klubu yeni mövsümdə ilkin mərhələnin bütün tur oyunlarını qələbə ilə başa vurub. Bu haqda məlumatı Cenublu.az bu gün, 12 iyun tarixində Masallı rayon Gənclər və İdman İdarəsinə istinadən verir.
Komanda altıncı turun oyununu iyunun 11-də səfərdə - Bakı şəhərindəki “Abşeron” OİK stadionunda keçirib. Yerli “Gənclər FM” futbol klubu ilə görüş “Ərkivan”ın tam üstünlüyü ilə yekunlaşıb. Masallı təmsilçiləri rəqib komanda üzərində 9:1 hesablı möhtəşəm qələbə qazanıblar.
“D” qrupunda 18 xalla liderlik edən “Ərkivan” (Masallı) FK növbəti mərhələyə - 1/4 finala vəsiqə qazanıb.
