top
2027-ci ilin sonuna qədər UFC reytinqinə düşməyi hədəfləmişəm - UFC döyüşçümüz Tahir Abdullayevin MÜSAHİBƏSİ
Bu gün, 15:54
- ↺ +

"2027-ci ilin sonuna qədər UFC reytinqinə düşməyi hədəfləmişəm" - UFC döyüşçümüz Tahir Abdullayevin MÜSAHİBƏSİ

Xəbərlərimizi Google-da izləyin
Yeniliklərdən dərhal xəbərdar olun
Abunə ol

UFC-də çıxış edən azərbaycanlı döyüşçü Tahir Abdullayev növbəti sınağına hazırlaşır. O, noyabrın 21-də Dohada keçiriləcək UFC Qatar turnirində avstraliyalı Ceyk Mettyusla qarşılaşacaq. Rəqibinin UFC-də 16 qələbəsi və səkkiz məğlubiyyəti var.

Abdullayev müsahibəsində qarşıdakı döyüşə hazırlığından, rəqibinin xüsusiyyətlərindən, Bakıdakı debütündən, azarkeş dəstəyindən və gələcək hədəflərindən danışıb.

Bu il UFC ilə müqavilə imzalayan azərbaycanlı döyüşçü iyunun 27-də Bakıda keçirilən "UFC Fight Night" turnirində braziliyalı Cefferson Nasimentonu üçüncü raundda nokautla məğlub edərək təşkilatda ilk qələbəsini qazanıb.

Müsahibəni təqdim edirik.

– Bakıdakı debüt qələbənizdən sonra Dohaya hansı əhval-ruhiyyə ilə yollanırsınız?

– Bakıdakı qələbədən sonra əhval-ruhiyyəm yüksəkdir. Dohaya da eyni məqsədlə - qələbə qazanmaq üçün yollanırıq.

– Ceyk Mettyus UFC-də böyük təcrübəyə malik döyüşçüdür. Onun döyüş üslubunda sizi ən çox düşündürən məqamlar hansılardır?

– Ceyk Mettyus mənim ən çox bəyəndiyim döyüşçülərdən biridir. Ayaqüstü döyüşməyi, rəqiblə açıq mübarizəyə girməyi sevir. Mən də belə döyüşləri xoşlayıram. Onun üslubu mənə uyğundur. Çalışacağıq ki, qələbə qazanaq. İnşallah, buna nail olacağıq.

– Bu döyüşə necə hazırlaşmısınız? Hazırlıq prosesində əvvəlki döyüşlə müqayisədə nələri dəyişmisiniz?

– Demək olar ki, heç nəyi dəyişməmişəm. Bütün döyüşlərimə eyni sistem üzrə hazırlaşıram. Təbii ki, hər rəqibə uyğun olaraq müəyyən fəndlər üzərində işləyirik. Bundan başqa, xüsusi dəyişiklik yoxdur.

– UFC-dəki debüt döyüşünüzdən hansı nəticələri və dərsləri çıxardınız?

– UFC-dəki debütümdən çıxardığım xüsusi bir dərs yoxdur. Mənim kifayət qədər böyük təcrübəm var. UFC-də döyüşməmişdən əvvəl də bu təşkilatdan kənarda çoxsaylı qarşılaşmalarda iştirak etmişəm. Sadəcə, UFC-də də döyüşmək imkanı qazandıq. Orada çıxış edən döyüşçülər bizdən nə üstün, nə də zəifdirlər. Hamımız eyni çəkidəyik.

– Bakıdakı döyüşdə azarkeşlərin böyük dəstəyini hiss etdiniz. Dohada da eyni dəstəyi gözləyirsinizmi?

– Doha müsəlman ölkəsidir. İnanıram ki, orada da azarkeşlər mənə böyük dəstək göstərəcəklər.

– Dohada qələbə qazanacağınız təqdirdə UFC-də növbəti hədəfiniz nə olacaq?

– Növbəti hədəfimiz qələbə qazanaraq, əzmlə çalışmaq və UFC reytinqinin ilk 15-liyinə yüksəlməkdir.

– UFC reytinqinə düşmək üçün özünüzə konkret vaxt hədəfi qoymusunuzmu?

– Bəli, 2027-ci ilin sonuna qədər reytinqə düşməyi hədəfləmişəm. İnşallah, bu döyüşdən sonra buna nail olacağıq.

– Döyüşdən əvvəl Azərbaycan azarkeşlərinə hansı mesajı çatdırmaq istərdiniz?

– Azərbaycan azarkeşlərindən mənə dəstək olmalarını xahiş edirəm. Xüsusilə "Instagram"da aktiv olsunlar. Onların dəstəyini hiss etmək və yanımda olduqlarını bilmək mənim üçün çox önəmlidir.

 

Mənbə: idman.biz

Son xəbərlər

Bütün xəbərlər
Bu gün, 15:20

Astarada yüksəkgərginlikli elektrik dirəyi aşıb, dörd baş qaramal tələf olub

Bütün xəbərlər
Bu gün, 14:50

Şəhidin adını daşıyan küçə yağışdan sonra keçilməz olur - VİDEO

Bütün xəbərlər
Bu gün, 14:15

Azərbaycanın "gov.аz" seqmentinə qarşı kiberhücumlar var - DTX-nin rəis müavini

Bütün xəbərlər
Bu gün, 13:40

Masallıda tanınmış güləşçi vəfat edib

Bütün xəbərlər
Bu gün, 13:05

Sabah hava necə olacaq? - PROQNOZ

Bütün xəbərlər
Bu gün, 12:30

Vətən müharibəsi şəhidimizin ad günüdür

Bütün xəbərlər
Bu gün, 11:58

Bəzi müəllimlərin işə qəbulu üzrə vakansiya seçimi başlayıb

Bütün xəbərlər
Bu gün, 11:21

Sabirabadda kişi bıçaqlandı: gəlini saxlanıldı

İdman
Bu gün, 10:40

Şəhid Vüsal Kazımovun xatirəsinə boks turniri keçiriləcək

Bütün xəbərlər
Bu gün, 10:05

Məleykə Abbaszadə DİM-in sədri vəzifəsindən azad edilib

Bütün xəbərlər
Bu gün, 09:12

İgid şəhidimizin doğum günüdür

Bütün xəbərlər
Dünən, 17:34

Dekabrın 4-dəki imtahan ləğv edildi: ödənişlər qaytarılacaq

Bütün xəbərlər
Dünən, 17:00

Bəzi bölgələrdə güclü külək əsəcək - XƏBƏRDARLIQ

Kriminal
Dünən, 16:15

Saatlıda qanunsuz balıq ovlayan 260 saat ictimai işlərə cəlb edildi

Bütün xəbərlər
Dünən, 15:35

Cari ilin 9 ayında Azərbaycanda 117 körpə vaxtından əvvəl doğulub

Mədəniyyət
Dünən, 15:00

Lerikin ilk qadın aliminin faciəli taleyi

Bütün xəbərlər
Dünən, 14:10

İbtidai sinif müəllimlərinin böyük qismi ali təhsilli deyil

Bütün xəbərlər
Dünən, 13:30

Lənkəranda sahibsiz itlər sakinlərə hücum edir

Bütün xəbərlər
Dünən, 12:50

Sabah hava necə olacaq?

Bütün xəbərlər
Dünən, 12:15

Dövlət Xidmətinin Astara rayon şöbəsində insident - həbs olunan var

Bütün xəbərlər
Dünən, 11:35

Masallılı şair qəzada dünyasını dəyişdi

Bütün xəbərlər
Dünən, 11:00

Cəlilabadlının meyiti dostunun evində tapıldı

Bütün xəbərlər
Dünən, 10:20

Xalq artisti Bilal Əliyevin 67 yaşı tamam olub

Oxşar xəbərlər