Lənkəran rayonunun Sütəmurdov kəndində Şəhid Aftandil İbrahimov adına küçənin bərbad vəziyyətdə olması sakinlərin narazılığına səbəb olub.
Vətəndaşların Cenublu.az -a verdiyi məlumata görə, küçədə yolun vəziyyəti xüsusilə yağışlı havalarda daha da pisləşir. Ərazidə yaranan gölməçələr səbəbindən piyadaların hərəkəti çətinləşir, yoldan keçmək isə demək olar ki, mümkünsüz olur.
Şikayətçilər küçənin təmir olunmasını və problemin aradan qaldırılması üçün müvafiq tədbirlərin görülməsini istəyirlər.
Məsələ ilə bağlı Lənkəran Rayon İcra Hakimiyyətinə sorğu ünvanlanıb.