Lənkəranlı şagirdlər UNİCEF-in təşkilatçılığı ilə keçirilən forumda mükafatlandırılıblar. Bu haqda məlumat bu gün, 14 yanvar tarixində Lənkəran şəhəri 6 N-li tam orta məktəb-liseyinin rəsmi Facebook səhifəsində paylaşılıb.
Belə ki, məktəbin şagirdləri Elnarə Heydərli və İzzət Rəhimzadə iştirak etdikləri Azərbaycan Uşaqlarının V Ümumrespublika Forumunda fəal iştiraklarına görə sertifikatla təltif olunublar.
Sertifikatlar onlara Ailə, Qadın və Uşaq Problemləri üzrə Dövlət Komitəsinin Sədri Bahar Muradova tərəfindən təqdim edilib. Qeyd edək ki, forum Qadın və Uşaq Problemləri üzrə Dövlət Komitəsinin, "Regional İnkişaf" İctimai Birliyinin dəstəyi ilə keçirilib.
