Dadaş Eyyub oğlu Hüseynov 1920-ci ildə Astara rayonunda anadan olub.
O, 1939-cu ildə hərbi xidmətə çağırılaraq, İkinci Dünya müharibəsinə yollanıb. Hüseynov SSRİ Xalq Daxili İşlər Komissarlığında ən yaxşı atıcılardan biri idi [1].
Dadaş Hüseynov snayper kimi Stalinqrad döyüşlərində vuruşub və 1942-ci ildə “Stalinqradın müdafiəsinə görə” medalına layiq görülüb.
Hüseynov 17 may 1943-cü ildə yaralansa da, artıq iyul ayında o, yenidən cəbhəyə qayıdır. 1-15 iyul 1943-cü ildə Rusiyanın Sevski rayonunun Orlov vilayətində Hüseynov 115-ci atıcı briqadanın mövqelərində düşmənin 14 əsgər və zabitini məhv edir. O, 17 iyul 1943-cü ildə “İgidliyə görə” medalı ilə təltif olunur. Döyüşçü 23 oktyabr 1943-cü ildə yaralanır [2].
1944-cü ildə Dadaş Hüseynov Zalesye-Kamennoye rayonu ərazisində Ukrayna Üsyan Ordusuna qarşı olan döyüş vaxtı 2-ci zastavanın əlaqə rəisi vəzifəsində olub. Hüseynov yaralananda və quldurlar onu əsir götürmək istəyəndə o, komandiri xilas edib və hücum edənlərdən 2 nəfəri öldürüb. O, 31 mart 1944-cü ildə ikinci dəfə “İgidliyə görə” medalına layiq görülüb [1]. Döyüşçü 5 aprel 1944-cü ildə yaralanaraq, hospitala yerləşdirilib [2].
Dadaş Hüseynov 12 yanvar 1945-ci ildə başlanan Visla-Odrа strateji hücum əməliyyatında iştirak edib. Hüseynov 14 yanvar Polşanın Labeddzyuv kəndində baş vermiş döyüşlər zamanı düşmənin 7 əsgərini və atəş nöqtəsini məhv edib. O, almanların əks-hücumu zamanı 2 əsgəri öldürərək yaralanıb, lakin döyüşün sonuna qədər mövqeni tərk etməyib. Döyüşçü 6 fevral 1945-ci ildə üçüncü dəfə “İgidliyə görə” medalı ilə təltif edilib.
25 yanvar 1945-ci il baş serjant Hüseynov öz bölüyü ilə Odra çayını keçir. O, almanların davamlı əks-hücumlarına cavab verərək, 14 əsgəri məhv edib və düşmənin 2 pulemyotunu ələ keçirir. Yanvarın 26-da Hüseynovun dəstəsi ilk dəfə Keben şəhərinə girərək, əlbəyaxa döyüşdə şəhəri düşməndən təmizləyir. Onun döyüşçüləri həmin gün düşmənin 7 əks-hücumunu dəf edir.
Dadaş Hüseynov 10 aprel 1945-ci ildə “Sovet İttifaqı Qəhrəmanı” adına layiq görülüb. Bundan əlavə, o, “Almaniya üzərində qələbəyə görə” medalı ilə təltif edilib [1].
2004-cü ildə Hüseynov Astara Rayon Veteranlar Şurasının sədri seçilib [3].
Ədəbiyyat:
