Türkiyə Respublikasının Gənclər və İdman Nazirliyinin gənclərlə iş sahəsinə məsul şəxslərdən ibarət 10 nəfərlik nümayəndə heyəti Lənkəranı ziyarət ediblər.
Cenublu.az Lənkəran-Astara Regional Gənclər və İdman İdarəsinə istinadən xəbər verir ki, səfər çərçivəsində qonaqlar idarəsin əməkdaşları ilə tanış olublar. Daha sonra Türkiyə Respublikasının Gənclər və İdman Nazirliyinin nümayəndə heyətinin rəhbəri Gizem Erkan, Lənkəran-Astara Regional Gənclər və İdman İdarəsinin rəisi Teymur Babazadə hər iki ölkə arasında gənclər sahəsi üzrə bu sahədə münasibətlərin möhkəmləndirilməsi haqqında danışıb, qarşılıqlı səfərlərin əməkdaşlığın inkişafına böyük töhfələr verəcəyini əminliklə bildiriblər.
Rəsmi görüşdən sonra qonaqlar Lənkəran Gənclər Evi Sosial Xidmət Müəssisəsində dərnəklərin fəaliyyəti ilə tanış olub, könüllülər tərəfindən hazırlanmış musiqili proqramı izləyiblər. Görüş şəhər gəzintisi ilə davam edib.
Lənkəran Gənclər Evi Sosial Xidmət Müəssisəsində keçirilən görüş şəhərin Türk Dövlətlərinin Gənclər Paytaxtı seçilməsi ilə əlaqədar “Mütəxəssis Mübadiləsi” Proqramı çərçivəsində həyata keçirilib.
