Vıləbutə kurqanı Masallı rayonunun Tüklə kəndinin sərhədində, Qəzvinoba kəndinin cənub-şərqində, Tüklə kəndinə gedən yolun sağ tərəfində yerləşir [1,2]. Kurqan son tunc və ilk dəmir dövrünə aid edilir. Bu ərazi, həmçinin “Vılətəpə” adlandırılır.
Həmin kurqan üzərində güllər bitdiyindən bu ərazi “Vıləbutə” (Vılətəpə) adlandırılmışdır. “Vıləbutə” (Vılətəpə) sözü talış dilindən tərcümədə “güllü təpə” mənasını daşıyır [1].
Vıləbutə kurqanı 1989-cu ildə Azərbaycan Milli Elmlər Akademiyasının Tarix İnstitutunun “Talış-Muğan arxeoloji ekspedisiyası”nın tərkibində arxeoloq Abuzər Ələkbərovun rəhbərlik etdiyi “Masallı” dəstəsi tərəfindən aşkar olunub. Vıləbutə kurqanı ölkə əhəmiyyətli tarixi-memarlıq abidəsi hesab edilir. Kurqan dövlət qeydiyyatına alınarkən səhv olaraq, Tüklə kəndinin ərazisində olduğu bildirilib [2].
Hazırda kurqan ərazisinin yaxınlığında həyətyanı torpaq sahələri yerləşir [1].
Ədəbiyyat:
