Bu gün, 5 oktyabr - Beynəlxalq Müəllimlər Günü münasibətilə Cenublu.az oxucularına Lənkəran rayonu H.Səfərov adına Kərgəlan kənd tam orta məktəbinin müəllimi Anar Şəfiyev haqda məlumat təqdim edir.
Anar Qulam oğlu Şəfiyev 16 mart 1979-cu ildə anadan olub. 1986-1996-cı illərdə Kərgəlan tam orta məktəbində, daha sonra Lənkəran Dövlət universitetinin Riyaziyyat-informatika fakültəsində təhsil alıb. Pedagoji fəaliyyətə də elə oxuduğu məktəbdə başlayıb.
Anar müəllim bir çox təlimlərdə və kurslarda iştirak edib. O, “Yeni ümumi orta təhsil kurikulumu üzrə təlim”, LDU-da təşkil olunmuş “Fizika-riyaziyyat müəllimləri ixtisasartırma”, “İntel” və “İnformasiya-kommunikasiya texnologiyaları” kurslarında sertifikatlarla təltif olunub.
Anar müəllimin atası - Qulam Şəfiyev də fizika müəllimi olub. Onun qardaşı Rövşən Şəfiyev 1993-cü ildə, Birinci Qarabağ müharibəsi zamanı şəhidlik zirvəsinə ucalıb.
