Təhsil Nazirliyinin qərarına əsasən, yeni tədris ilindən şagirdlərin standart forma geyinmələri məsləhət görülüb. Buna görə də Cenublu.az komandası olaraq valideynlərin forma axtarışında yorulmamaları üçün araşdırma apardıq.
Forma dəstinə oğlanlar üçün şalvar və köynək, qızlar üçün isə ətək və köynək daxildir. Öz növbəsində geyimlər 2 rəngdən ibarətdir: şalvar və ətək göy və ya qara rəngdə, köynəklər isə mavi və ağ rəngdədir.
Məktəbli uniformalarının rəng uyğunluğu şagirdin oxuduğu təhsil ocağının seçimindən asılıdır.
Lənkəran şəhərini ələk-vələk etməyimizə baxmayaraq, forma satışının yalnız “Eldorado” mağazasında aparıldığını müşahidə etdik. Qiymətin ölçüyə görə dəyişildiyi mağazada formaların satışı 35-45 manat aralığındadır.
“Eldorado” mağazası Tofiq İsmayılov küçəsində yerləşir.
