Xətai parkı Masallı şəhərinin Səməd Vurğun küçəsində yerləşir [1]. Bu park Səfəvilər dövlətinin banisi, sərkərdə və şair Şah İsmayıl Xətainin adını daşıyır [2].
2007-ci ildə burada Şah İsmayıl Xətainin abidəsi ucaldılıb. Həmin abidənin postamentlə birlikdə hündürlüyü 7 metr təşkil edir [1]. Bundan əlavə, istirahətə gələnlər parkın girəcəyində Səfəvilər dövrünün iki döyüşçüsünün heykəllərini də görə bilərlər [2].
Parkda 2020-ci ildə yenidənqurma işləri aparılıb [1].
Şah İsmayıl Xətai 1487-ci ildə Ərdəbil şəhərində anadan olub [4]. Onun atası Şeyx Heydər təriqət başçısı Şeyx Səfiəddinin nəslindən idi. 1501-ci ilin payızında Təbrizə daxil olan İsmayıl özünü şah elan edib. Nəticədə o, 1736-cı ilə kimi mövcud olmuş Səfəvilər dövlətinin əsasını qoyub. Şah İsmayıl Xətai bədii yaradıcılıqla da məşğul olub. O, “Dəhnamə”, “Nəsihətnamə” adlı əsərlərin müəllifidir [3]. Şah İsmayıl 1524-cü ildə vəfat edib və Ərdəbildəki Şeyx Səfi məqbərəsində dəfn olunub [3,4].
Ədəbiyyat:
