Cəlilabad şəhər Cümə məscidi şəhərin mərkəzində yerləşir.
Bu ərazidə ilk məscid 1916-cı ildə inşa edilmişdir. Yerli əhali həmin zaman Rusiya imperiyasının bu ərazi üzrə varisi olan Anikiyevdən qızıl pulla torpaq alaraq, həmin yerdə ibadətgah tikib. 1988-ci ildə köhnə ibadət evi sökülərək, yerində yenisi inşa edilib.
Məscid düzbucaqlı formadadır və qırmızı kərpicdən inşa edilib. İbadətgahın tavanı taxtadan, döşəməsi isə kərpicdəndir. Məscidin ibadət zalı iki hissədən ibarətdir: qadın və kişi şöbələri. Qadınlar şöbəsi ikimərtəbəlidir. İbadət evinin ön tərəfində eyvan yerləşir. İbadətgahın hündürlüyü 17 metr olan bir minarəsi var.
Cəlilabad şəhər Cümə məscidi 1993-cü ildə əsaslı şəkildə təmir edilib.
Ədəbiyyat:
Foto Cenublu.az[/caption]
