Polis Akademiyasına Hüquqşünaslıq ixtisası üzrə əyani təhsilə 500 kursantın qəbulu üçün müsabiqə başlayıb. Bu haqda məlumatı Cenublu.az 1 fevral tarixində verir.
Müsabiqədə Azərbaycan dilini sərbəst bilən, boyu azı 165 sm, həqiqi hərbi xidmətə yararlı olan, 11-ci sinifdə oxuyan və ya tam orta təhsilli 16 yaşdan 18 yaşadək vətəndaşlar iştirak edə bilər.
Sənədlərin qəbulu mart ayının 3-dək bazar günləri istisna olmaqla hər gün saat 10:00-dan 17:00-dək namizədin qeydiyyatda olduğu inzibati ərazi üzrə polis idarə və ya şöbələrində həyata keçirilir.
Namizədlər aşağıdakı sənədləri şəxsən təqdim etməlidirlər:
Təhsil müddətində kursantlar dövlət hesabına yataqxana, xüsusi geyim forması, təqaüd və yeməklə təmin olunacaqlar. Məzunlara Hüquqşünaslıq ixtisası, polis leytenantı xüsusi və ehtiyatda olan leytenant hərbi rütbələri verilməklə daxili işlər orqanlarında müvafiq vəzifələrə təyin ediləcəklər.
Polis Akademiyası və sənəd qəbulu haqqında ətraflı məlumatlar akademiyanın www.pa.edu.az internet saytında yerləşdirilib.
Ətraflı məlumat üçün:
8880 (qaynar xətti);
(012) 454-12-78;
(012) 590-97-76;
(012) 590-99-47.
Qeyd edək ki, müsabiqəyə ikili vətəndaşlığı, digər dövlətlər qarşısında öhdəlikləri olan şəxslər, cari ilin yanvar, aprel və iyul tarixli çağırışlarında həqiqi hərbi xidmətə getməli olan çağırışçılar, din xadimləri, fəaliyyət qabiliyyəti olmayan, cinayət törətdiyinə görə əvvəllər məhkum olunmuş, yaxın qohumları ağır cinayətlərə görə məhkum edilmiş vətəndaşlar buraxılmırlar.
