Hər bir valideynin arzusu övladının perspektivli gələcəyini görməkdir. Bu gün Cenublu.az sizə Masallı şəhər Onbirillik İncəsənət Məktəbində uşaqlarınız üçün yaradılmış ixtisaslar və fürsətlər haqda məlumat verir.
Masallı 11 illik İncəsənət məktəbində övladlarınız 5, 7 və ya 11 il təhsil ala bilərlər.
Məktəbdə tədris edilən ixtisaslar və yaş həddi aşağıdakı kimidir:
- Fortepiano - (5 illik) 9 yaşdan - 13 yaşadək;
- Fortepiano - (7 illik) 7 yaşdan - 9 yaşadək;
- Tar - 9 yaşdan - 13 yaşadək;
- Qarmon - 9 yaşdan - 13 yaşadək;
- Kamança - 9 yaşdan - 13 yaşadək;
- Xanəndəlik - 9 yaşdan - 14 yaşadək;
- Rəssamlıq - 9 yaşdan - 12 yaşadək;
- Xoreoqrafiya (rəqs) - 8 yaşdan - 10 yaşadək;
- Balaban - 9 yaşdan - 13 yaşadək.
Təhsilini davam etdirmək istəyən 5-7 illik təhsili bitirmiş şagirdlər 11 illik İncəsənət Məktəbinin 8-ci sinfinə imtahan yolu ilə qəbul edilirlər.
Məktəbdə, həmçinin ödənişli əsaslarla yaş həddi 7-29 olmaqla qeyd olunan ixtisaslar üzrə qəbul olmaq imkanı var.
Məktəbə qəbul olmaq istəyən şəxslər aşağıdakı sənədləri təqdim etməlidirlər:
- Doğum haqqında şəhadətnamənin və ya şəxsiyyət vəsiqəsinin surəti;
- Sağlamlıq haqqında tibbi arayış;
- İki ədəd 3x4 ölçüdə fotoşəkil.
Qeyd edək ki, sənədlər 25-31 avqust tarixlərində qəbul olunur
Ətraflı məlumat üçün: (055) 774-11-16
