Lənkəranda sakinlərin asudə vaxtlarını səmərəli keçirmələri məqsədilə təlim təşkil olunacaq. Bu haqda bu gün, 11 iyul tarixində Cenublu.az xəbər verir.
“O biri otaq” sosial biznes platformasının təşkilatçılığı ilə keçirilən təlim 17 iyul saat 15:00-da baş tutacaq. “Tor coffee shop”-da keçiriləcək art-terapiya görüşündə iştirak etmək üçün qonaqlar 3 manat ödəniş etməlidirlər.
Görüşdə gündəlik həyatda insanların qarşılaşdığı stres, travma və digər emosional vəziyyətlərdən xilas olmaq üçün terapiyalar baş tutacaq. Həsən Bədəlovun moderatorluğu ilə təşkil olunacaq görüşdə qeydiyyatdan keçmək üçün 050 531 92 94 nömrəsi ilə əlaqə saxlamaq lazımdır.
