Lənkəranda "Gənc müəllimlərin yaşıl dünya konfransı: ətraf mühit naminə dayanıqlı inkişaf” tədbiri baş tutacaq. Bu haqda məlumatı Cenublu.az bu gün, 15 iyun tarixində verir.
“Yaşıl Dünya naminə həmrəylik ili” çərçivəsində keçiriləcək görüş 20 iyun, saat 10:00-da Heydər Əliyəv mərkəzində təşkil olunacaq.
Tədbirdə ekoloji maarifləndirmə, ekoloji proseslərdə iştirakın təşviqi, təhsilin əhəmiyyəti və ictimaiyyətin iştirakı kimi mövzular müzakirə ediləcək. Əlavə olaraq, gənc müəllimlər həmkarları ilə fikir mübadiləsi aparmaq və ekoloji layihələr üçün yeni perspektivlər qazanmaq imkanı əldə edəcəklər.
Konfrans Azərbaycan Gənc Müəllimlər Assosiasiyasının, Lənkəran Şəhər Heydər Əliyev Mərkəzinin, Gənclərin İnkişaf və Karyera Mərkəzinin Lənkəran–Astara Regional nümayəndəliyinin birgə təşkilatçılığı, Azərbaycan Respublikasının Elm və Təhsil Nazirliyi, Lənkəran–Astara Regional Təhsil İdarəsi və Lənkəran–Astara Gənclər və İdman İdarəsinin və “Secret” Karyera və İnkişaf mərkəzinin tərəfdaşlığı ilə həyata keçiriləcək.
Qeydiyyat üçün son tarix: 18 iyun 2024-cü il.
