Masallıdakı Yanardağ Masallı-Yardımlı yolunda, Viləşçay dərəsində yerləşir [1,3]. Ərazinin Yanardağ adlandırılması burada yüzillər ərzində alovlanan bulaq və dağın olmasına görədir.
Yanar bulaq Viləşçayın yaxınlığında yerləşir. Bu suya alov dəyən kimi o, yanmağa başlayır. Həmin suyun tərkibində kükürd var. Yanar bulaqdan axan su müalicəvi sayılır. Burada insanlar ayaq ağrılarından, həmçinin bir çox başqa xəstəliklərdən qurtulmaq üçün bulaqdan istifadə edirlər.
Bulaqdan bir qədər aralıda Yanar dağı görmək olar. Dağın üst hissəsindən təbii qaz çıxır. Çıxan qaz alovlanaraq, yanan dağ təsəvvürü yaradır. Deyilənlərə görə, bu torpaq yerli əhali tərəfindən müqəddəs hesab edildiyindən Yanardağ ziyarət yerinə çevrilib [2].
Hazırda bu ərazidə “Yanardağ” müalicə kompleksi yerləşir. Kompleksdə müasir tipli müalicəvi vannalar, kotteclər fəaliyyət göstərir [1].
Ədəbiyyat:
