Masallı rayonunun Mahmudavar kənd Q.Babayev adına ümumi orta məktəbinin şagirdi Türkiyə Riyaziyyat Olimpiadasında qalib olub. Bu haqda məlumatı Cenublu.az bu gün, 9 iyun tarixində Lənkəran-Astara Regional Təhsil İdarəsinə istinadən verir.
Belə ki, məktəbin IV sinif şagirdi Əsgərov Ramazan Rüfət oğlu bürünc medala layiq görülüb.
Olimpiadada iştirak edən şagirdlər üç yaş qrupu üzrə (3-4-cü siniflər, 5-8-ci siniflər və 9-11-ci siniflər) biliklərini sınayıblar.
Qeyd edək ki, Türkiyə Riyaziyyat Olimpiadası şagirdlərin riyazi bacarıqlarını inkişaf etdirmək və riyaziyyat üzrə karyera hədəflərini müəyyənləşdirməyə kömək məqsədilə keçirilir.
