Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə Masallıda toxum sərgi-satış yarmarkası təşkil edilib.
Cenublu.az xəbər verir ki, Azərbaycan Toxumçular Assosiasiyasının sədri Mədinə Əliyevanın moderatorluğu ilə keçirilən forumda qeyd olunub ki, fermerlərin yüksəkkeyfiyyətli toxumla təmin edilməsi, toxum sektorunun inkişaf etdirilməsi kənd təsərrüfatında yüksək məhsuldarlığa nail olmaq üçün vacib amillərdəndir.
Tədbirdə toxumçuları maraqlandıran suallar cavablandırılıb, o cümlədən fermerlərin müraciətlərinin bir qismi yerindəcə həllini tapıb, qaldırılan bəzi məsələlər isə araşdırılması üçün Kənd Təsərrüfatı Nazirliyinin müvafiq qurumları tərəfindən nəzarətə götürülüb.
Qeyd edək ki, forumda Aqrar Xidmətlər Agentliyi, Aqrar Kredit və İnkişaf Agentliyi, "Azərbaycan Toxumçular Assosiasiyası” eləcə də “Agro Dairy”, Azərsun” və “Region Agro” şirkətlərinin mütəxəssisləri çıxış ediblər.
