“Təmiz ölkəm” devizi altında Ümumrespublika Təmizlik Marafonu çərçivəsində Masallı rayonunun meşə fondu ərazisində iməcilik keçirilib. Bu haqda məlumatı Cenublu.az bu gün, 15 iyul tarixində verir.
Ekologiya və Təbii Sərvətlər Nazirliyinin, yerli icra hakimiyyəti orqanlarının, bələdiyyələrin, yerli kommunal müəssisələr kombinatları nümayəndələrinin və sakinlərin iştirakı ilə keçirilən iməciliklər zamanı tullantılar yığılaraq ərazilərdən daşınıb.
Təmizlik aksiyalarının keçirilməsində məqsəd hər kəsi istirahət edərkən tullantıları ətrafa atmamağa təşviq etmək, ərazilərin təmizliyinə hər bir kəsin məsul olması öhdəliyini çatdırmaq, ictimaiyyətin diqqətini bu sahəyə çəkməklə ətraf mühitin qorunmasına nail olmaqdır.
