Masallıda təhsil ocaqlarının əməkdaşlarının iştirakı ilə tədbir baş tutub.
Cenublu.az Masallı rayon üzrə təhsil sektoruna istinadən xəbər verir ki, rayon ərazisində fəaliyyət göstərən ümumi təhsil, məktəbəqədər və məktəbdənkənar təhsil müəssisələrinin rəhbərləri və müəllimləri ilə görüş keçirilib. Burada Masallı Rayon İcra hakimiyyətinin İctimai-siyasi və humanitar məsələlər şöbəsinin müdir müavini Abbas Abbaszadə, Masallı rayonu üzrə təhsil sektorunun müdiri Elman Rzayev, sektorun əməkdaşları, təhsil müəssisələrinin rəhbərləri və müəllimlər iştirak ediblər.
Tədbirdə Elman Rzayev 5 oktyabr - Beynəlxalq Müəllimlər Günü münasibətilə təhsil işçilərini təbrik edib, yeni dərs ilində ümumi təhsil müəssisələrinin qarşısında duran vəzifələrdən danışıb, idarəetmədə şəffaflığın təmin olunması, təhsil müəssisələrində təlim-tərbiyə işinin səmərəli təşkili, məktəb və müəllim nüfuzunun artırılması ilə bağlı müzakirələr aparılıb.
Sonda müəssisə rəhbərləri və müəllimlərlə bir sıra məsələlər ətrafında fikir mübadiləsi aparılıb və onları maraqlandıran suallar cavablandırılıb.
