Masallı rayonunda “Vətəndaşların seçki hüququnun təmini” mövzusunda təlim keçirilib. Bu haqda məlumatı Cenublu.az bu gün, 24 yanvar tarixində Report.az-a istinadən verir.
Tədbirdə İnsan Hüquqları üzrə Müvəkkilin (Ombudsman) Aparat rəhbəri Aydın Səfixanlı və Mərkəzi Seçki Komissiyasının (MSK) üzvləri Masallı rayonunda seçki hüquqları barədə məlumat veriblər.
Həmçinin MSK-nın üzvü Şaitdin Əliyev ilk dəfə olaraq MSK tərəfindən hazırlanan “Ekspert qrupunun üzvləri üçün yaddaş kitabçası”nı müzakirə edib. Daha sonra MSK-nın əməkdaşı Cavid Zeynalov görülən tədbirlərdən bəhs edərək, seçicilər üçün “ASAN növbə” terminallarında “Seçici statusunu yoxla” adlı funksional bölmənin əlavə edildiyini bildirib.
Sonda iştirakçıları maraqlandıran suallar cavablandırılıb.
