Masallıda ulu öndər Heydər Əliyevin anadan olmasının 100 illik yubileyinə və 15 İyun - Milli Qurtuluş Gününə həsr olunmuş “Qurtuluş yürüşü 2023” keçiriləcək. Bu haqda məlumatı Cenublu.az bu gün, 13 iyun tarixində verir.
Yürüş 15 iyun 2023-cü il tarixdə saat 09:00-da Masallı rayon Heydər Əliyev parkından start götürəcək.
İştirak etmək istəyənlər 15 iyun 2023-cü il tarixdə saat 09:00-da Masallı rayon Heydər Əliyev parkındakı səhnənin qarşısında olmalıdırlar.
Qeyd edək ki, yürüş Masallı rayon Gənclər və İdman İdarəsinin təşəbbüsü ilə Masallı Rayon İcra Hakimiyyətinin , Yeni Azərbaycan Partiyasının Masallı rayon təşkilatının, Azərbaycan Atletika Federasiyasının, Bakı Marafon klubunun və Masallı Gənclər evi SXM-in birgə təşkilatçılığı ilə baş tutacaq.
