Masallı şəhərində “Kənd yerlərində qadın hüquqlarının qorunması” layihəsi çərçivəsində seminar təşkil edilib. Bu haqda məlumatı Cenublu.az bu gün, 30 iyul tarixində Azərtac-a istinadən verir.
Tədbirdə layihənin eksperti Afiq Məlikov ölkəmizdə qadınların hüquqi öhdəlikləri, kənd yerlərində gender stereotipləri, gender bərabərliyi, gender təhsili barədə məlumat verib.
Seminarda fikir mübadiləsi aparılıb və təkliflər dinlənilib.
Yekunda iştirakçılara sertifikatlar təqdim edilib.
Layihə Qadınların Sosial İnkişafına Dəstək İctimai Birliyi tərəfindən icra olunur. Proyekt Şərəfə və Mahmudavar kəndlərində də həyata keçirilib. Növbəti seminarlar Ərkivan və Hişkədərə ərazilərində təşkil ediləcək.
