Masallıda ödənişsiz ingilis dili danışıq dərsləri keçirilir. Bu haqda məlumatı Cenublu.az bu gün, 2 avqust tarixində Masallı rayon İcra Hakimiyyətinə istinadən verir.
Belə ki, dərslər həftədə iki dəfə olmaqla 3 ay müddətində Gənclərin İnkişaf və Karyera Mərkəzinin (GİKM) Masallı nümayəndəliyində “Dil klubu” daxilində Sadiq Ağayev tərəfindən keçiriləcək.
İngilis dili danışıq dərslərinin keçirilməsində məqsəd gənclərin asudə vaxtlarının səmərəli təşkili, ingilis dilinin öyrənilməsinə köməklik, həmçinin dünya görüşünün artırılmasıdır.
Qeyd edək ki, ingilis dilində danışıq dərsləri silsilə olaraq davam edəcək. Hər ayın sonu yeni qrupların yaradılması nəzərdə tutulur.
Ünvan: Masallı şəhəri, Qarabağ küçəsi 17. Əlaqə üçün: [email protected]
